رۆژەكانی مانەوەی ئادەم جۆنسۆنی یاریزانی ئینگلیزی لە یانەی مانچستەر ستی پاڵەوانی ئینگلتەرا سنورداربووە، ئەمەش دوای ئەوەی ئەو یاریزانە لەگەڵ رۆبەرتۆ مانچینی راهێنەری یانەكە تووشی شەڕ هات، دوای یاری یانەكەی بەرامبەر چێڵسی لە قەڵغانی خێرخوازی ئینگلیزی.
چیرۆكەكە ئەوكات دەستی پێكرد كاتێك جۆنسۆن رەتیكردەوە رازی بێت بە بڕیاری مانچینی لە دوورخستنەوەی لە پێكهاتەی یانەكەی بۆ یارییەكەی چێڵسی و بەوەش ئەو یاریزانە گەڕایەوە سەر كورسی یەدەگ و دۆخەكە ئاڵۆزتر بوو كاتێك مانچینی ئەوی وەك یاریزانی یەدەگیش بەشداری پێنەكرد لە یارییەكەدا.
ئەو یاریزانە دوای یارییەكە لەگەڵ مانچینی بەشەڕ هات لەبەرچاوی یاریزانانی تری یانەكە و ئەوەش پێسبینی ئەوەی هێناوەتە ئاراوە كە راهێنەرە ئیتاڵییەكە بڕیاری فرۆشتنی بدات، بە تایبەت كە لە كاتی شەڕەكەدا جۆنسۆن خۆی داوای كردووە یان بكرێتە یاریزانی سەرەكی یان رێگەی رۆیشتنی پێ بدرێت.