رۆژنامەی دەیلی ستاری ئینگلیزی لە زاری سەرچاوە تایبەتەكانی خۆی گواستەوە كە كارگێڕیی یانەی چێڵسی ئینگلیزی هەوڵەكانی خۆی بۆ گرێبەستكردن لەگەڵ ئەدینسۆن كاڤانی هێرشبەری یانەی ناپۆلی ئیتاڵیدا دەستپێكردووە.
رۆبەرتۆ دی ماتیۆی راهێنەری چێڵسی دەخوازێ گرێبەست لەگەڵ هێرشبەرێكی بە توانادا بكات بۆ شوێنگرتنەوەی هەردوو هێرشبەر دیدێ درۆگبا و سالمۆن كالۆ كە لە هاوینی ئەمساڵدا یانەكەیان جێهێشت.
رۆژنامە ئینگلیزییەكە دووپاتی كردووەتەوە كە كارگێڕیی یانەی بلووز 35 ملیۆن یۆرۆی بۆ كڕینی كاڤانی داناوە و دەیەوێ بە خێراترین كات كڕینەكە كۆتایی پێ بێنێت.
پێشتر سەرۆكی یانەی ناپۆلی ئاشكرای كردبوو كە نرخی كاڤانی 100 ملیۆن یۆرۆیە و هەر كەسێك بیر لە كڕینی بكاتەوە، دەبێ ئەو پارەیە بخاتە سەر مێز.