یانەی مانچستەر سیتی مەترسی ئەوەی هەیە كەیانەی ریال مەدریدی ئیسپانی لە هەوڵەكانی بەردەوام بێت بۆ مۆركردنی بۆندێك لەگەڵ ئەستێرەی هێڵی ناوەڕاستی یانە و هەڵبژاردەی ئیسپانیا دێڤید سیلڤا كە ماوەیەكە یانەی شاهانە چاودێری دەكات و هەوڵی كڕینەوەی دەدات، یانەی مانچستەر سیتی بۆ رێگەگرتن لەبەردەم هەوڵەكانی یانەی ریال مەدرید بە نیازە بۆندەكەی یاریزان سیلڤا درێژبكاتەوە و مووچەكەی زیاد بكات، بۆ ئەم مەبەستەش یانەی مانچستەر سیتی بۆندێكی تازەی ئامادەكردووە بۆ دێڤید سیلڤا ئامادەكردووە بۆ ماوەی 4 تا 5 ساڵ و بە مووچەی 190 هەزار پاوەند لە هەفتەیەكدا، ئەم بۆندە تازەیەش لە دوای گەڕانەوەی سیلڤا لە پشووەكەی بە فەرمی رادەگەیەنرێت .
بە پێی راپۆرتی رۆژنامەكان و دەزگاكانی راگەیاندنی بەریتانیا بەم بۆندە تازەیە یاریزان دێڤید سیلڤا دێتە ریزی ئەو یاریزانانە كە زۆرترین مووچە لە خولی ئینگلتەرا وەردەگرن وەك یاریزانی ئەرژەنتینی كارلۆس تیڤیز و یاریزانی ئیڤواری یایا تۆرێ . لەلایەن خۆیەوە یاریزان دێڤید سیلڤا پێشتر رایگەیاندبوو كەئەو دەزانێت یانەی مانچستەر سیتی دەیەوێ لە تیپەكەیان بەردەوام بێت، سیلڤا گوتی : من دەزانم یانەی مانچستەر سیتی هەوڵی ئەوە دەدەن كە لە گەڵیان بەردەوام بم و بۆندێكی تازەیان پێشكەش كردم لە كۆتایی وەرزی رابردوو، من ئێستا هێمنم و دەمەوێ بەردەوام بم، من لەو كاتەی یانەی ڤالانسیام جێهێشت هەوڵ دەدەم باشترین ئاست لە خولی ئینگلتەرا پێشكەش بكەم و نازناوەكە ببەمەوە .