ئیكەر كاسیاسی كاپتنی یانەی ریال مەدریدی ئیسپانی پەسنی كارەكانی جۆزێ مۆرینۆی راهێنەری یانەكەی كرد و گوتی یانەكە لەسەر هەق بوو كاتێك مۆرینۆی كردە راهێنەر.
كاسیاس كە ئێستا بە هاوبەشی هاوڕێكانی لە ریال مەدرید دەستی بە مەشقی ئامادەسازی بۆ وەرزی نوێ كردووە، روونی كردەوە كە مۆرینۆ كەسایەتییەكەی زۆر جیاواز لەوەی هەیە كە هەندێك رۆژنامە باسی دەكەن.
هەروەها روونی كردەوە ئەو راهێنەرێكی پەباندە و دەتوانێ وا لە یاریزانان بكات بەرزترین و ئەوپەڕی توانای خۆیانی بۆ خەرج بكەن، روون و ئاشكرایە كە ریال مەدرید باشترین كاری كرد كاتێك سووربوو لەسەر هێنانی مۆرینۆ.
كاسیاس كە وەرزی رابردوو پێشەوایەتی ریال مەدریدی كرد بۆ بەدەستهێنانی نازناوی خولی ئیسپانی گوتی ئومێدی ئەوە دەكەم مۆرینۆ بۆ ساڵانێكی زۆر لە یانەكەدا بمێنێتەوە، چونكە ئەو ئیلهامبەخشی سەركەوتنەكانمانە.