فیلی كۆلشایه‌ری ئه‌ستێره‌ی تێنسی سه‌رزه‌وی ئه‌ڵمانی سوپرایزێكی گه‌وره‌ی ته‌قانده‌وه‌ كاتێك رافایل نادالی ئه‌ستێره‌ی ئیسپانی له‌ پاڵه‌وانیه‌تییه‌كه‌ كرده‌ ده‌ره‌وه‌.
كۆلشایه‌ر له‌ یاری قۆناخی هه‌شتی پاڵه‌وانیه‌تییه‌كه‌دا توانی له‌ رافایل نادالی یه‌كه‌می ریزبه‌ندی پاڵه‌وانیه‌تیی ناوبراو بباته‌وه‌ به‌ ئه‌نجامی دوو كۆمه‌ڵه‌ی بێبه‌رامبه‌ر 6-3 و 6-4.
كۆلشایه‌ر له‌ ریزبه‌ندی هه‌شته‌می هه‌مان پاڵه‌وانیه‌تیی دایه‌.
له‌ یارییه‌كی تردا رۆجێ فێدرێری ئه‌ستێری سویسری توانی بۆ قۆناخی هه‌شتی پاڵه‌وانیه‌تییه‌كه‌ سه‌ربكه‌وێت دوای ئه‌وه‌ی له‌ میلۆش راونیچی كه‌نه‌دی برده‌وه‌ به‌ ئه‌نجامی 3 كۆمه‌ڵه‌ 6-7 و 6-4 و 7-6 و به‌وه‌ش بۆ قۆناخی چوارگۆشه‌ی زێرِینی پاڵه‌وانیه‌تییه‌كه‌ سه‌ركه‌وت.
نادال چه‌ند رۆژێك له‌مه‌وبه‌ر نازناوی پاڵه‌وانیه‌تیی رۆلان گارۆسی به‌ده‌ست هێنا دوای ئه‌وه‌ی له‌ نۆڤاك جۆكۆڤیچی ئه‌ستێره‌ی سرِبی برده‌وه‌.