یاریزانی ئەرژەنتینی ئیڤەر بانیگا یاریزانی هێڵی ناوەراستی یانەی ڤالانسیای ئیسپانی تووشی پێكانێكی سەخت هاتووە لەگۆزینگی قاچی ڕاستەی و تا كۆتایی ئەم وەرزە لەیاریگاكان دوور دەكەوێتەوە، بانیگا لەدوای تەواو بوونی مەشقەكانی یانەكەی لەیەكێك لەوێستگەكانی وزەدا وەستا بوو بۆ ئەوەی بەنزین لەئۆتۆمبێلەكەی بكات و لەبیركردبوو كە (هاندەر برێك) ڕابكێشێت بۆیە ئۆتۆمبێلەكەی گەڕابۆوە و بەسەر قاچی كەوت.
ماڵپەڕی فەرمی یانەی ڤالانسیا ڕایگەیاند كە بانیگای تەمەن 23 ساڵ تووشی ڕووداوێكی ئۆتۆمبێل بووە لەو كاتەی دەزگاكانی ڕاگەیاندنی ئیسپانیا دووپاتیان كردووە كە گۆزینگی قاچی ڕاستەی شكاوە و تاكۆتایی ئەم وەرزە لەیاریگاكان دوور دەكەوێتەوە، بانیگا نەشتەرگەریەكی بۆ ئەنجامدراوە بۆ ئەوەی لەم پێكانە چارەسەر بكرێت.