هەفتەی ڕابردوو لەشاری هەولێر خولی پلە یەكەكانی كوردستان بۆ تۆپی بالە بەڕێوەچوو، كە تیایدا لەم پاڵەوانێتیە 10 یانە بەشداری كردبوو بەسەر دوو كۆمەڵە دابەش كرابوون، لەهەر كۆمەڵەیەك دوو یانە بۆ چوارگۆشەی زێڕین سەركەوتن، دواتر دوو یانە بۆ خولی پلە نایابەكانی كوردستان سەركەوتن و یارییەكانی ئەم پاڵەوانێتیەش لەهەردوو هۆڵی شەهید فرەنسۆ و یانەی ئەكاد بەڕێوەچوو.
كۆمەڵەكانی ئەم خولە بەمشێوەیە بوو.
كۆمەڵەی یەكەم: دەربەندیخان، شەنگال، حاجیاوە، ڕواندز، سۆلاڤی نوێ.
كۆمەڵەی دووەم: دوكان، جیهان، خورماتو، بەردەڕەش، هەندرێن.
دوای ڕكابەرییەكی بەهێز هەردوو یانەی جیهان و سۆلاڤی نوێ توانیان سەركەون بۆ خولی نایابی كوردستان بۆ تۆپی بالە لەوەرزی ئەمساڵ.
جێگەی باسە وا بڕیارە لەماوەیەكی نزیكدا خولی پلە نایابەكانی كوردستان بۆ تۆپی بالە بەڕێوەبچێت.