كارۆلین ڤۆزنیاكی یاریزانی دانیماركی پارێزگاری لە مانەوەی خۆی لە پێشەنگی ریزبەندی تێنسزانانی ئافرەتی جیهان كرد دوای ئەوەی توانی ئەو خاڵە كەمانەی لە پیترا كڤیتۆڤای چیكی دووەمی ریزبەندییەكەی جیا دەكاتەوە وەك خۆی بیهێڵێتەوە لە دوا ریزبەندی ئافرەتاندا كە ئەم هەفتەیە دەرچوو.
ڤۆزنیاكی پێویستی بە خۆ سەلماندن هەیە لە پاڵەوانیەتیی ئوسترالیای كراوە تا لە لوتكەی ریزبەندییەكەدا بمێنێتەوە و جیاوازییەكانی بپارێزێت.
ڤۆزنیاكی پێشەنگی ریزبەندەكەی بە 7485 خاڵ گرت و دوای ئەو كڤیتۆڤا لە پلەی دووەمدا هات بە 7290 خاڵ، دوای ئەوەی ئەو یاریزانە چیكییە سەركەوتوو نەبوو لە بردنەوەی نازناوی پاڵەوانیەتیی سیدنی لە هەفتەی رابردوودا و لە پلەی سێیەمدا ڤیكتۆریا ئەزارینكا هات بە كۆكردنەوەی 6865 خاڵ.
هەرچی پلەی چوارەمە بە دەست ماریا شاراپۆڤای رووسییەوە ماوەیەوە بە كۆكردنەوەی 6440 خاڵ و سمانتا ستۆسۆری ئوسترالی هاتەی پلەی پێنجەم بە كۆكردنەوەی 5585 خاڵ و لی نای چینی بۆ پلەی شەشەم پاشەكشەی كرد و پلەی حەوتەمیش بەر ڤیرا زڤۆناریڤای رووسی كەوت.