رۆژی دووشەممە كاتژمێر (2.30) خولەكی دوای نیوەرۆ یانەی هەولێر لە نێو یاریگەی خۆی میوانداری یانەی نەجەف دەكات لە چوارچێوەی یارییەكی دواخراوی خولی نایابی عێراق بۆ تۆپی پێی، ئەم یارییە هەریەكە لە ناوبژیوانان زیا عەبدولحسێن و عەلی زێدان و مەحمود خەلەف و سەلام عەواد بەرێوە دەبات.
لەم یارییە دەستەی كارگێری یانەی هەولێر بڕیاری دا هاتنە ژوورەوە بۆ جەماوەر بە خۆرایی بێت بۆ ئەوەی جەماوەر لە نێو یاریگە ئامادە بن بە مەبەستی پاڵپشتی كردنی یاریزانان و لەم یارییە یانەی هەولێر هیچ یاریزانێكی سزادراوی نییە بەهۆی كارتی زەرد و سوور.
یانەی هەولێر بە كۆكردنەوەی 18 خاڵ لە پلەی شەشەم دێت و سێ یاری دواخراوی هەیە و یانەی نەجەف بە كۆكردنەوەی 16 خاڵ لە پلەی هەشتەم دێت و یەك یاری دواخراوی هەیە.
بەشی راگەیاندنی یانەی هەولێر