هەفتەی رابردوو لە شاری سلێمانی كۆتایی بە دوو پاڵەوانێتی لەسەر ئاستی زانكۆكەكانی كوردستان هات، لە یاری تۆپی پێدا بە بەشداری 11 زانكۆی كوردستان هەردوو زانكۆی سەڵاحەدین و دهۆك گەیشتنە یاری كۆتایی، لەم یارییە زانكۆی دهۆك توانی بە ئەنجامی (1-0) گۆڵ لە زانكۆی سەڵاحەدینی بباتەوە ببێتە پاڵەوانی خولەكە، لە یارییەكی تردا زانكۆی سلێمانی پلەی سێیەمی بە دەستهێنا دوای ئەوەی بە ئەنجامی (1-0) گۆڵ لە زانكۆی جیهان-ی بردەوە.
هەروەها لە شاری سلێمانی پاڵەوانێتی گۆڕەپان و مەیدان لەسەر ئاستی كوڕان و كچان بەڕێوەچوو، كە تیاییدا لەم پاڵەوانێتییەدا چوار زانكۆ بەشداری كرد، ئەنجامی كۆتایی ئەم پاڵەوانێتییە بەمشێوەیە بوو.
لەسەر ئاستی كوڕان
1- زانكۆی سلێمانی (90) خاڵ، 2- زانكۆی دهۆك (89) خاڵ، 3- كەركوك 76 خاڵ.
پاڵەوانی گۆڕەپان یاریزانی هەڵبژاردەی دهۆك سەڵاح میرزا بوو بە كۆكردنەوەی 21 خاڵ.
لەسەر ئاستی كچان
1- زانكۆی دهۆك 86 خاڵ، 2- زانكۆی سلێمانی 83 خاڵ، 3- زانكۆی سۆران 67 خاڵ.
پاڵەوانی گۆڕەپان یاریزانی هەڵبژاردەی زانكۆی سلێمانی نیان یاسین بە كۆكردنەوەی 21 خاڵ.