یانەی مانچستەر یونایتدی ئینگلیزی وێڕای سەركەوتنی لە یاری یەكەمی خۆی لە وەرزی نوێی خولی ئینگلتەرا دوای بردنەوەی لە یانەی وێست برۆمیچ ئەلبیۆن 2-1، دووچاری پەتای پێكانی بەرگریكەرەكانی هات و ریۆ فردیناند بووە سێیەم بەرگریكەری پێكراوی یانەكە.
فردیناند لە یاری یانەكەی بەرامبەر وێست برۆمیچ تووشی پچڕانی ماسولكەی ئەژنۆی هات و بەوەش لە ریزی یانەكەی دابڕا.
سێر ئەلێكس فێرگسۆنی راهێنەری یانەكە گوتی فردیناند تا ئۆكتۆبەری داهاتوو ناگەڕێتەوە.
بەو پێكانە ئەو یاریزانە ناتوانێ بەشداری دوو یاری گرنگی یانەكەی بەرامبەر یانەكانی ئەرسناڵ و چێڵسی لە خولی ئینگلتەرا بكات و لە دوو یاری هەڵبژاردەی ئینگلتەراش بەرامبەر هەردوو هەڵبژاردەی بولگاریا و وێڵز بەشداری ناكات.
فردیناند سێیەم بەرگریكەری مان یونایتدە دوای نیمانیا ڤیدیچ كە بۆ ماوەی 2 هەفتە دادەبڕێت، هەروەها داا سیلڤا كە بۆ ماوەی 10 هەفتە ناتوانێ یاری بكات.