نۆڤاك جۆكۆڤیج بووە یەكەم یاریزان 5 نازناوی لەسەریەكی پاڵەوانیەتییەكانی پێشەنگانی تێنس لە ماوەی یەك وەرزدا بباتەوە. ئەمەش دوای ئەوەی نازناوی پاڵەوانیەتیی مۆنتریالی لە كەنەدا بەدەست هێنا دوای بردنەوەی لە ماردی فیشی ئەمەریكی لە یاری كۆتاییدا.
جۆكۆڤیجی یەكەمی ریزبەندی تێنسزانانی جیهان نۆیەم نازناوی لە وەرزی ئەمساڵدا بەدەست هێنا و سەركەوتنی كردە 53 سەركەوتن بەرامبەر یەك دۆڕان لەو ماوەیەدا.
جۆكۆ لە وەرزی ئەمساڵدا 4 نازناوی پاڵەوانیەتییەكانی پێشەنگانی بەدەست هێنابوو كە بریتی بوو لە ئیندیانا وێڵ و میامی و مەدرید و رۆما.
پاڵەوانیەتیی مۆنتریال كە كۆی خەڵاتەكانی بڕۆ 3 ملیۆن دۆلاری ئەمەریكییە، بڕی 800 هەزار دۆلاری ئەو خەڵاتە بەر جۆكۆڤیج كەوت.