دانيال ليفي سەرۆكي يانەي تۆتنهام هۆتسپێري ئينگليزي لەگەڵ هاري ريدناپي راهێنەري يانەكەدا كۆبوونەوەيەكي بۆ باسكردني ويستي لۆكا مۆدريچي ياريزاني ناوەڕاستي يانەكە ئەنجام دا، كە داواي رۆيشتني لە يانەكە كردووە.
رۆژنامەي دەيلي ستاري ئينگليزي ئاشكراي كرد ريدناپ داواي كردووە يانەكە مۆدريچ بە بڕي 35 مليۆن پاوەند بفرۆشێت و بڕياري داوە بەو پارەيەي لە فرۆشتني مۆدريچ دەستي دەكەوێت هەرسێ هێرشبەر دانيلي دي رۆسي هێرشبەري ڤياريال و لۆرێنتي هێرشبەري ئەتلەتيك بلباو بكڕێت و ئيمانوێل ئەديبايۆري هێرشبەري مان ستي بە خواستن بێنێتە ريزەكانييەوە.
رۆژنامەكە دەڵێ سەرۆكي يانەي تۆتنهام بە داواكارييەكەي ريدناپ توڕە بووە و گوتويەتي كە پێويستە هێناني ئەو 3 هێرشبەرە بە شێوازي تر بێت نەك فرۆشتني مۆدريچ.
رۆژنامەكە هەروەها ئاشكراي كردووە ليفي گوتويەتي كە بير لە فرۆشتني ويلسۆن پالاسيۆس و پيتەر كراوچ دەكاتەوە بە بڕي 20 مليۆن پاوەند و ئەو پارەيە بۆ هێناني هێرشبەراني تر بەكاردێنێت.