یانه‌ی ریال مه‌دریدی ئیسپانی له‌ رووی قازانجی ماڵییه‌وه‌ دوو ئه‌وه‌نده‌ی یانه‌ی به‌رشه‌لۆنه‌ پاره‌ی وه‌رگرتووه‌ له‌ گه‌شتی هاوینه‌ و یارییه‌ دۆستانه‌كانی ئه‌م وه‌رزه‌یدا.

یانه‌ی ریال مه‌درید له‌ هاوینی ئه‌مساڵدا 7 یاری ئاماده‌سازیی بۆ وه‌رزی نوێ ئه‌نجام دا و له‌و حه‌وت یارییه‌دا حه‌وت سه‌ركه‌وتنی به‌ده‌ست هێنا، له‌وه‌ش گرنگتر ئه‌وه‌یه‌ كه‌ یانه‌كه‌ له‌ ماوه‌ی ئه‌و حه‌وت یارییه‌دا كه‌ له‌ ئه‌مه‌ریكا، چین و ئینگلته‌ر و ئه‌ڵمانیا ئه‌نجامی دان، كۆی 12.1 ملیۆن یۆرۆی قازانج كردووه‌. ئه‌مه‌ له‌ كاتێكدا یانه‌ی به‌رشه‌لۆنه‌ كه‌ 6 یاری دۆستانه‌ی له‌ ئه‌مه‌ریكا، ئه‌ڵمانیا، چین و سكۆتله‌ندا ئه‌نجامدا، ته‌نیا 6.5 ملیۆن یۆرۆی قازانج كردووه‌.