هەفتەی رابردوو كریستیان میشیل سەرۆكی یەكێتی تۆپی پێی هەرێمە بێ وڵاتەكان (ڤیڤا) بەفەرمی رایگەیاند، كە ناتوانێت سەردانی كوردستان بكات بەهۆی خراپی باری جەستەیی خێزانەكەیەوە، بەم بۆنەیەوە داوای لێبوردنی لە هەموو خەڵكی كوردستان و سەرۆك و گشت ئەندامانی یەكێتی تۆپی پێی كوردستان كرد.
جێگەی باسە وا بڕیارە بوو هەفتەی داهاتوو میشێل كریستین سەرۆكی یەكێتی تۆپی پێی هەرێمە بێ وڵاتەكان (ڤیڤا) سەردانی كوردستان بكات بۆ ئەوەی لەگەڵ سەرۆك و ئەندامانی یەكێتی تۆپی پێی كوردستان كۆببێتەوە و سەردانی ژێرخانی وەرزشی كوردستان بكات، لە هۆتێل و یاریگاكانی گشت شارەكانی كوردستان و لە نزیكەوە ئاگاداری ئامادەكاری یەكێتی تۆپی پێی كوردستان، بۆ میوانداریكردنی پاڵەوانێتی هەرێمە بێ وڵاتەكان (ڤیڤا)بێت، كە وا بڕیارە لە ساڵی 2012 لە كوردستان ئەنجام بدرێت.