دیاریكردنی كەشوهەوا كە خۆی راستەوخۆ دیاری بكات، پێویستی بە ئامێری گەورە هەیە، هەرچەندە ئامێری بچوكی تایبەت بەماڵەوەش بەرهەم هاتوون، بەڵام هیچكام بچووكیان ناگاتە ئامێری (PiCO) كە لەلایەن كۆمپانیایەكی كۆریایی بەرهەم هاتووە. ئامێرەكە لە رێگەی كێبڵەوە لەگەڵ موبایل پەیوەند دەدرێت و زانیاری راستەوخۆ پەیوەنددار بە كەش و هەوای دەوروبەر لە ئاپێكی تایبەتدا دەداتە بەكارهێنەر.
ئامێرەكە لە شوێنە داخراو و كراوەكان سوودی لێوەردەگیرێت و دەتوانێت زانیای وەك رێژەی «دی ئوكسیدی كاربۆن، تۆز و خۆڵ، رێژەی شێی دەوروبەر»نیشان بدات.
لەوانەی ئاماژەمان پێدان گرنگتر ئەوەیە، زانیاری لە سەرچاوەی دیكەش وەردەگرێت و پێشبینی كەش وهەوای لە ئینتەرنێتیش وەردەگرێت، دواتر زانیارییەكانی خۆی لەگەڵ ئەو زانیارییانەی وەریدەگرێت تێكەڵ بەیەك دەكات.
كێشی ئامێرەكە تەنیا 42 گرامە.. وردبینیەكی زۆری هەیە لە دیاریكردنی چۆنییەتی كەش هەوا..