لەم سەردەمەدا هیدفۆنەكان هەر ئەو ئامێرە بچووكە نین كە لە گوێ دابندرێن و ئەركیان بڵاوكردنەوە مۆسیقاو گۆرانی بێت تەنیا بۆ بەكارهێنەرەكەی، بەڵكو زۆر ئەركی دیكەش وەك، ئامێرێك بۆ تەندروستی و وەرزشكردن، بۆ نموونە دیاریكردنی لێدانی دڵ، پێوانی رێگا و هەنگاوەكان، چۆنییەتی هەناسەكێشان و زانینی رێژەی كالۆری سووتێندراو..تاد..
یەكێك لەو هێدفۆنانە كە لە پیشانگای CESدا نیشاندرا، هیدفۆنی بێ وایەری HA-ET90BTە كە بۆ ئەوانەی وەرزش دەكەن و لە گۆڕەپانەكانی وەرزشیدان بەرهەم هاتووە. هێدفۆنی ناوبراو بە تەڕبوون تێكناچێت. بەهۆی گیرەیەكی پلاستیكی كە لەسەرەوەی هەر هیدفۆنێك دایە، بە راكردن و جوڵانی زۆریش لە شوێنی خۆی نابزوێت..