زانایانی بواری بەرهەمهێنانی تەكنەلۆژیای رۆبۆت لەم دواییەدا رۆبۆتێكیان بەناوی Vestri بەرهەم هێناوە كە دەتوانێت كردارەكانی دواتری خۆی پێشبینی بكات، رۆبۆتی ناوبراو وەك منداڵ هەنگاو بەهەنگاو فێر دەبێت، بۆیە دەتوانێت فێر بێت دوای ئەم كردارە چ كردارێكی دیكە ئەنجام بدات.
رۆبۆتی Vestri لە هۆشی دەستكرد سوود وەردەگرێ و ئەو كردارانەی ئەمڕۆ فێری دەبێت لە داهاتوودا بۆ مەبەستی دیكە بەكاری دێنێت. تەكنەلۆژیای بەكارهاتوو لە رۆبۆتەكەدا پێی دەگوترێت (پێشبینی دیتراو) كە بەهۆیەوە رۆبۆتەكە دەتوانێت كردارەكانی دواتر پێشبینی بكا و پاشان بەپێی ئەم كردارە باشترین دژكردەوە لەخۆی نیشان بدات.
زانایانی بواری تەكنەلۆژیا پێیانوایە لە داهاتوودا دەكرێ ئەم رۆبۆتە لە ئۆتۆمبیلە بێ شۆفێرەكان دابندرێ بۆ ئەوەی كە رێگاوبانەكان بناسێتەوە..