سەردەمی دیجیتالی وای كردووە بۆ هەموو شتێك ئامێری تایبەت بەخۆی هەبێت، شەوانە كاتێك دەنووی و مۆبایلەكەت بێدەنگ دەكەی، ئاگادار نابی كێ چ پەیامێك دەنێرێ یان پەیوەندیت پێوە دەكات، گلۆپی زیرەكی تایبەت بە خەوتن بە گۆڕانی رەنگی روناكیەكەی ئاگادارت دەكاتەوە، بۆ نموونە كە رەنگی گلۆپەكە سەوز بوو یانی ئەوە تەلەفۆنێكت بۆ هات، یا ئەگەر زەرد بوو یانی ئەوە كورتە پەیامێك، یان ئەگەر شین بوو یانی پەیامێكی فەیسبوكی.....تاد.
گلۆپی جۆری Aumi Mini نەتەنیا تایبەت بە مۆبایل دەكرێت لە كۆمپیوتەریش دابندرێ رەنگی گلۆپەكانی بگۆڕی و بۆ هەر زانیارییەك رەنگێكی تایبەتی دابنێی. لە كۆمپیوتەریشدا هەمان ئەرك ئەنجام دەدات، وەك هاتنی ئێملێكی نوێ، وەرگرتنی پەیامێك لە تۆڕێكی كۆمەڵایەتی، زانیاری تایبەت بە كەش و هەوا و زۆر زانیاری دیكەش.