كۆمپانیایەكی بواری بەرهەمهێنانی تەكنەلۆژیای نوێ لە ئەمەریكا نوێترین كامێرای هۆشمەندی تایبەت بە چاودێری پۆلیس بەرهەم هێنا.. كۆمپانیای (coban technologies) هەوڵیداوە لە بەرهەمهێنانی كامێرای جۆری (dashcam) تاوانبار و گومانلێكراوان بكاتە ئامانج، ئەوانەی لە چنگ پۆلیس رادەكەن و یان ژمارەی ئۆتۆمبیلەكەیان دەگۆڕن یان هەر ژمارەی لێنادەن..
كامێرا نوێیەكە پێكەاتووە لە 6 كامێرا و پاش ئەوەی هەر 6 كامێرایەكە وێنەیان گرت بەهۆی پرۆگرامی بەهێز كە هەر لە كامێراكەدایە شیكردنەوە و لێكدانەوە بۆ وێنەكە دەكات و تەنانەت ئەگەر تاوانباران چەكیشیان بەكارهێنا، جۆری چەكەكەیان دەستنیشان دەكات، پۆلیسی فیدراڵی ئەمەریكا پێیوایە كامێرایەكە دەبێتە هۆی ئەوەی ئەمنییەتی زیاتر لە شار و شەقامەكاندا هەبێت.