كۆمپانیای سۆنی كە یەكێكە لەكۆمپانیا پێشكەوتووەكانی بواری تەكنەلۆژیا، لەم ماوەیەدا وەك زۆربەی كۆمپانیاكانی دیكە هەوڵیداوە سپیكەری هۆشمەند بەرهەم بێنێ، یەكەم سپیكەری هۆشمەندی بەناوی Xeperia helloیە.
سپیكەری جۆری ئیكسپریا هێلۆ جیاوازە لەگەڵ سپیكەرەكانی دیكە چونكە وەك رۆبۆتێك دەچێت تاكو سپیكەر. وەك گشت سپیكەرەكانی دیكە كارە ئاساییەكانی وەك نیشاندانی كەش و هەوا و وەڵامدانەوەی پەیوەندییەكان و وەڵامدانەوەی پرسیارەكان و.. تاد ئەنجام دەدات. جگە لەوە دەكرێت پەیوەندی ڤیدیۆیی پێ دامەزرێنێ و وەك كامێرایەكی چاودیریش سەیر بكرێت..
رۆبۆتە هۆشمەندەكە شاشەكەی 4.6 ئینجی هەیە كە تایبەتە بە پەیوەندییە ڤیدیۆیەكان و نیشاندانی زانیاری، كامێرای چاودێری و تیشكی سوور بۆ ناسینی جوڵە لە تاریكیدا و جگە لەوەش حەوت مایكرۆفۆنی تایبەتی هەیە.
سپیكەری ناوبراو سیستەمی ئەندرۆیدی لەسەرە، بەڵام ناتوانێت ركەبەرێكی جیدی بێت بۆ سپیكەری جۆری ئەلكسا و سپیكەرەكەی گوگل..