مۆبایلی ئایفۆن هەرچەندە خۆی مۆبایلێكی بەهێزە بەڵام ئامێری لاوەكی زۆری بۆ بەرهەم هاتووە كە ئامێرە لاوەكییەكان كارئاسانی زۆر دەكەن، بۆ نموونە كەڤەری جۆری Switch 6 كە خۆی شەش دانە عەدەسەی تایبەتی لەگەڵدایە و بۆ گرتنی وێنەی جوان و كوالیتی بەرز زۆر گونجاوە.
هەرچەندە لێنزی زۆر تایبەت بە وێنەگرتن بۆ مۆبایلی ئایفۆن بەرهەم هاتوون، بەڵام بەهۆی قەبارەیان ناكرێت هەمیشە لە گیرفانت دابێ، كەچی كەڤەری ناوبراو هەم بەرگێكە بۆ مۆبایلەكە و هەم لێنز (عەدەسە)كانیشی كاری وێنەگری ئاسان دەكەن. بەكارهێنەر بە ویستی خۆی دەتوانێ ئەو عەدەسانە جێگۆرڕكێ پێ بكات یان ەەر لە كامێراكەی بكاتەوە.