شاشەی جۆری CHG90 شاشەیەكی چەماوەی 49 ئینجیە و زۆر پانە و بەقەد 3 شاشەی 49 ئینجی دەبێت، شاشەكە تایبەتە بە یارییە گرنگەكان و هەروەها دیزاینەر و نەخشەسازان. هەروەك سامسۆنگ رادەگەیەنێ ئەوە بەرینترین شاشەیە لە جیهاندا. شاشەكە وەك باڵندەیەكی زۆر گەورە دەچێت كە بۆ خۆراك لەبەرزیەوە نیشتۆتەوە. لەیەكەم نیگادا هەست بەوە ناكەی كە شاشەی كۆمپیوتەرە، بەڵكو وا هەست دەكەی تیڤیەكی گەورەی چەماوەیە.
ئەوانەی كاری كۆمپیوتەر دەكەن بەتایبەت دیزاینەرەكان لە گرنگی كاری شاشەی مەزن دەگەن، لەو شاشەیەدا ئەگەر فایلێكی ئیكسێل بكەیەوە دەتوانێ هەموو ستونەكە ببینی، ئەگەرچی لە شاشەی دیكەدا وا نییە. خێرایی شاشەكە گەلێك لەسەرێیە و بۆیە لەكاتی یارییە قورسە ئەلكترۆنییەكاندا هیچ كێشەت نابێت.
شاشەكە لە یەك كاتدا دەتوانی بیكەی بە 6 پەنجەرەی جیا، واتە شەش پرۆگرام پێكەوە بكەیەوە.