تەبلێت و لاپتۆپ و كۆمپیوتەر و مۆبایل راستە گرنگی خۆیان هەیە بەڵام بۆ ئەوانەی كە فێربوونە كارو ئەركەكانیان لەسەر كاغەز راپەڕێنن رەنگە ئەو چێژەی نەبێت، زۆر كەس حەز دەكات لەسەر كاغەز بخوێنێتەوە و بنووسێت, بۆیە كۆمپانیایەك تەبلێتی جۆری remarkable بەرهەم هێنا. ئامێرێك كە لەكاتی بەدەستەوە گرتن و كاركردندا هەست بەوەی دەكەی كە كتێبێكی یان دەفتەرێكی واقعیت بەدەستەوە گرتووە. تەبلێتەكە بۆ دروستكردنەكەی هاوكاری لە كۆمپانیای E lnk وەرگیراوە، كۆمپانیایەك كە لە بەرهەمهێنانی حیبری ئەلكترۆنیدا لە پێشەنگدایە.
تەبلێتەكە وەك كتێبخوێنەكان نییە، تەنیا بۆ موتاڵا بێت، بەڵكو دەتوانی بەهۆیەوە بخوێنیەوە، بنووسی و وێنە بكێشیەوە. تەبلێتەكە قەڵەمێكی تایبەتی لەگەڵە، قەڵەمەكە نەرمە و بە ئاسانی لەسەر تەبلێتەكە كاری پێدەكرێ. دەتوانی لەگەڵ ئەوەیدا كە كتێبێك دەخوێینەوە، پەراوێزیشی لەسەر بنووسی و یا روونكردنەوە لە سەر هەندێك جێگا بدەی، تەبلێتی ناوبراو ەەتا هەفتەیەك شەحنی دانابەزێت، لەهەمووی گرنگتر تەبلێتەكە دەستخەت دەناسێ و دەیكات دەتوانی هەر بە قەڵەمەكە یادداشتی رۆژانە لەسەر تەبلێتەكە بنووسی.