لەجیهانی كامێرا دا هەر رۆژە مۆدێلێكی نوێ بەرهەم دێت، سەردەمەكە وای لێهاتووە مرۆڤەكان نایانەوێ كاتە هەستیاریەكانیان لە دەست بچێت، جار هەیە دیمەنێك دێتە پێش هەتا كامێرای مۆبایلەكەت یان كامێرای دیكە دەكەیەوە كاتت دەڕوات، بۆیە كامێرای تایبەت بەو كاتانە بەرەەم ەاتوون كە بەكارەێنەر پێویست ناكات كامێراكە دەربەێنێ یان بیكاتەوە چونكە بەردەوام كراوەن و لەگەڵ بەكارهێنەرەكانیان دان، كامێرای جۆری Benjamin Button كە وەك دوگمەیەكی گەورە دەچێت زیاتر منداڵان سوودی لێوەردەگرن.
كوالیتی كامێراكە فوول ئیچ دییە، وەك زۆربەی كامێراكانی دیكە تایبەتمەندی ناسینەوەی روخساری هەیە، هەروەك لەناوەكەی را دیارە كامێراكە وەك دوگمەیەك بە جلی منداڵەكانەوە دەبەسترێنەوە و بە ئاسانی فیلم هەڵدەگرێتەوە. میمۆری ناو كامێراكە 16 گیگابایتە، هەستەوەرێكی تێدایە كە بە دەنگی پێكەنین و خۆشی هەستیارە و روخسار و دیمەنە خۆشییەكان دەناسێ و فیلمیان لێ هەڵدەگرێتەوە. كێشی كامێراكە تەنیا 65 گرامە و رەنگەكانی جۆراوجۆرن و بە تەڕبوون تێكناچێت.