دەستبەندی سمارت، یان بڵێین بازنی هۆشمەند زۆر لەمێژ نییە لە جیهانی دیجیتالیدا هاتۆتە مەیدانەوە، دەستبەندێكی گرنگ بەڵام كەم كەس بەكاری دێنێ. ئەركی گرنگی بازنە سمارتەكان چاودێری تەندروستی بەكارهێنەرەكەیەتی. وەك چۆنییەتی لێدانی دڵ، هەنگاوژمارتن و وزەی سووتێندراو ومەودای راكردن و..تاد.
بازنەكان كاتژمێر نین، بەڵكو وەك بازن یا بەندی كاتژمێر دەچن، سەرەڕای جوانیان ئەو ئەركانەی ئاماژەشیمان پێدان ئەنجام دەدەن.
بازنی سمارتی جۆری Garmin Vivosmart3 یەكێكە لەم بازنە سمارتانە..
بازنی گارمێن ڤیۆ دیزانێكی سەرنج راكێشی هەیە، شاشەیەكی شێوە هێلكەییە، تەنیا یەك رەنگی هەیە، بۆ چالاكی ورەزشی یاریدەدەرە، بۆ نموونە لە كاتی وەرزشی ئاساندا ژمارە بەرزكردنەوەكان دەژمێرێ، تەنانەت پێت دەڵێت كە جەستەت چەندی ماوە رێك بێت و چەندە پێویستت بە راهێنانە. یارمەتیت دەدات بۆ راەێنانی هەناسەكێشان، ئینفۆگرافیكێك لە چۆنییەتی سترێسی رۆژانەت نیشان دەدات، ئەوكاتانەی پێویستت بە پشوودان بێت دەڵێت بەسە بۆ ماوەی ئەوەندە خولەكە پشوو بدە. بە گشتی مامۆستا و راهێنەرێكی وەرزشییە.