پرینتەرە سێ لاییەكان واتە 3D گۆڕانكارییەكی گەورەیان پێكەێنا، بەهۆیانەوە دەكرێت كەلوپەل و پێداویستییەكانی ماڵ، پزیشكی، وەرزشی، پیشەسازی..تاد. پێ دروست بكرێت. بەڵام كێشەی پرینتەرەكان ئەوەیە كە دەبی ئەو كەلوپەلانەی دروستیان دەكات مادەی سەرەكیان پلاستیك، یان ئاسن و سیرامیك بێت.
لەم رۆژانەدا ئامێرێك بەرهەم هاتووە كە وەك كارگەیەكی چنین لەماڵەوە دەچێت، هەر ئەوەندە بەسە كە خۆت بە كۆمپیوتەر ئەوەی مەبەستە پێی بدەی تاكو بە وردی بۆت بچنێت، بۆ نمونە (بلوز، كراس، پێڵاو، پانتول..تاد).
ئامێرەكە پێی دەگوترێت Kniterate، بەهۆیەوە تەنیا بە داگرتنی دوگمەیەك و فكرەیەك ئیدی ئەوەی مەبەستتە بۆت دروست دەكات. ئامانجی كۆمپانیاكە لە بەرهەمهێنانی ئامێرێكی وا ئەوەیەكە بكرێت لە داهاتوودا هەر لە ماڵەوە هەموو كەس بۆخۆی جلوبەرگی خۆی دروست بكات و پێویستی بە جلوبەرگی كۆمپانیا مەزنەكان نەبێت، بەڵام تا چەند سەركەوتوو دەبێت ئەوەیان لە داهاتوودا دەزاندرێت..