كۆمپانیای سامسۆنگ نوێترین كامێرای 360 پلە واتە (Samsung gear 360) خستەڕوو.. كامێراكە هەر لە ناوەكەی را دیارە 360 پلە بە دەوری خۆیدا دەسووڕێ و بە كوالیتی k4 فیلم هەڵدەگرێتەوە، لێنزێكی F2.2 هەیە و دەتوانێت وێنە بە كوالیتی زۆر بەرز بگرێ.
لە تایبەتمەندییە گرنگەكانی ئەو كامێرایە ئەوەیە كە لەگەڵ ئینتەرنێت پەیوەند دەدرێت و راستەوخۆ دەتوانی فیلم و وێنەكان بگوازیەوە. لەگەڵ ئەوەشدا لەگەڵ هەردوو سیستەمی ئەندرۆید و ios دەگونجێت.
تایبەتمەندییەكی دیكەی كامێراكە ئەوەیە لەگەڵ ئیكۆ سیستەم و واقیعی مەجازی دەگونجێت. هەر لەسەر كامێراكە دەتوانی وێنەكە دەستكاری بكەی و فۆرماتەكەی بگۆڕی و ئێفێكت و فیلتەری تایبەتی بۆ دابنێی.