لە جیهانی دیجیتالیدا هەوڵدراوە ئامێرێك تەنیا یەك ئەرك ئەنجام نەدات، بۆ نموونە مۆبایل تەنیا بۆ پەیوەندی نەبێت بەڵكو دەیان ئەركی دیكەش ئەنجام بدات، یان كاتژمێری سمارت تەنیا بۆ كات نیشاندان نەبێت، بەڵكو دەیان ئەركی دیكەش ئەنجام بدات، هەروەها نموونەیەكی دیكە تەبلێتی جۆری xperia touch ە كە تەبلێتێكی پرۆژكتۆر واتە داتاشۆیە. ئەو هەرچی لەسەر شاشەی تەبلێتەكە بێت دەكرێت لەسەر دیوار یان تابلۆیەكی سپیش سەیری بكەی.
سیستەمی هەستەوەری تیشكی سووری هەیە بەهۆیەو دەكرێت بە جوڵەی پەنجەكان لەسەر دیمەنە نیشاندراوەكەی سەر دیوار یا تابلۆی سپی جوڵە پێبكەی یان فەرمانیان پێبدەی.. دەكرێ لە یەك كاتدا چەندین فەرمانیش بكەی.. دەكرێ وەك تەبلێتێكی ئاسایش سوودی لێوەربگیردرێت. تەبلێتەكە بۆ كاری فێركاری و نیشاندانی دیمەنەكان بە قەبارەیەكی گەورەتر زۆر بە كەڵكە..