لەم سەردەمەدا زۆربەی ئامێرە ئەلكترۆنییەكان دەبێ رۆژانە شەحن بكرێنەوە، مۆبایل، تەبلێت، لاپتۆپ، كامێرا...تاد. بەڵام كێشەیەك هەیە زۆرجاران خۆمان لەبیرمان دەچێتەوە كە كەی شەحنی بكەینەوە و جارهەیە تەواو دەبێت نازانین..
كۆمپانیایەك دوو شەحنكەرەوەی بەرهەم هێناوە كە بەكارهێنەرانی ئامێرە ئەلكترۆنییەكان ئاگادار دەكاتەوە كە چ كاتێك ئامێرەكان شەحن بكەنەوە، بۆ نموونە مۆبایلەكەت شەحنی تەواو دەبێ بەڵام ئاگات لێ نییە، شەحنكەرەوەكە پەیامێكت بۆ دەنێرێ و ئاگادارت دەكاتەوە.
شەحنكەرەوەكان بە PowerBlock Beacon و PowerJolt Beacon ناسراون.. شەحنكەرەوەكان پرۆگرامێكیان هەیە كەلەسەر ئامێرەكان دادەنرێن، دەتوانی بۆی دیاری بكەی چ كاتێك و چەندی باتری تێدا بمێنێ ئاگادارت بكاتەوە.. یەكێكیان تایبەتە بە شەحنكردنەوە لە ئۆتۆمبیلدا و ئەوی تریان شەحنكەرەوەیەكی ئاساییە.