كاركردن بە مۆبایل لەكاتی لێخوڕینی ئۆتۆمبیلدا زۆرجاران دەبێتە هۆی روودانی كارەساتی قەرەبوو نەكراو.. بۆیە لە زۆربەی وڵاتاندا ئەوانەی لەكاتی لێخوڕینی ئۆتۆمبیلدا مۆبایل بەكار دێنن سزا دەدرێن.. هەرچەندە ئۆتۆمبیلە نوێیەكان كەلەگەڵ مۆبایل پەیوەند دەدرێن كێشەیەكی ئەوتۆیان نییە و شوفێر دەتوانی بەبێ ئەوەی دەست بۆ مۆبایل بەرێت وەڵامی پەیوەندییەكان بداتەوە...
ئامێرێكی تایبەتیش بۆ گشت ئۆتۆمبیل بۆ كارئاسانی شۆفێر بە مۆبایل بەناوی (Dashbot) بەرهەم هاتووە، بەئاسانی لەسەر دەشبۆرد جێگای دەبێتەوە، لە رێگای بلوتوسەوە بەمۆبایل پەیوەند دەدرێت، ئەوكات تەنیا لەرێگای فەرمانی دەنگییەوە دەتوانی ئەركەكانی ئەنجام بدەی، وەك گۆڕینی دەنگ و گۆرانی، وەرگرتنی پەیوەندی و گرتنی پەیوەندی، بەڕێكردنی پەیامەكان و وەرگرتنی پەیامەكان، بەگشتی زۆربەی ئەركە گرنگەكانی مۆبایل ئەنجام دەدات..