سەردەمی كۆمپیوتەرە زەبەلاحەكان كە هەم قورس بوون و هەم كاركردیان ئەوتۆ نییە بەسەرچووە، ئێستا سەردەمی مینی كۆمپیوتەرەكانە، كۆمپیوتەرێك بە قەبارەیەكی بچووك بەڵام بەكاراییەكی زۆر.. كۆمپانیای HP لە نوێترین هەوڵیدا مینی كۆمپیوتەرێكی خۆی خستەڕوو كە بەپێی رای كۆمپانیاكە بەهێزترە لە كۆمپیوتەرە مەزنەكان..
مینی كۆمپیوتەری جۆری PH Z2 mini كۆمپیوتەرێكی بچووكە، بۆ كاری گەورەی وەك نەخشەسازی، گرافیك، فیلم و ستۆدیۆ سوودی لێوەردەگیردێت. قەبارەی كۆمپیوتەرەكە 8.5 لە 2.5 دایە. لە پروسیستەری ئەنتەل جۆری core i7 سوود وردەگرێ. رامەكەی 32 گیگابایتە. باشترین جۆری كارتی گرافیكی لەسەرە و 2 گیگابایتە. هاردەكەی 1.5 ترابایتە. گشت كێبڵ و شوێنەكانی تایبەت بە پەیوەندی وەك usb، بلوتوس، وای-فای هەیە.. رەنگە كۆمپانیاكانی دیكەش ركابەری بكەن و مینی كۆمپیوتەر بەرهەم بێنن، ئیدی كۆمپیوتەرە گەورەكان دەكەونە مێژووەوە.