فۆلكلۆری كوردیمان كە بە گرنگییەوە باسی لانك و دەسرازە دەكات لە سایەی تەكنەلۆژیای نوێدا ئەویش گۆڕانی بەسەردا دێ،.. ئیدی دایك ناڵێت رۆڵە لانكێت بۆ دروست دەكەم لە داری گوێز و خورمایە و وەستاشی لە تەورێز و بەغدایە بۆ ناهێنێ.. لانك و لەیلوك ئەوە نامێنن كە وەستای دارتاش دروستی بكەن، بەڵكو ئەوانیش بەرەو سمارت چوونە..
لانكی هۆشمەندی (snoo) دەكرێ بڵێین سەرووی هۆشمەندییە، لانكەكە چەندین مایك و هەستەوەر ی تێدایە، دەتوانێت گریان و جوڵەی منداڵەكە بناسێ. هەركە منداڵەكە گریا دەست بە راژاندن بكات، هەروەها زانیاری وردیش وەك سەبارەت بە منداڵەكە و تەندروستی منداڵەكە بۆ مۆبایلەكانیان بەڕێ بكات، ئەگەر منداڵەكە تەڕ بوو، نەخۆش بوو، ئاگاداری دایك و باوكی منداڵەكە دەكاتەوە.