كۆمپانیای تویوتای بەرهەمهێنی ئۆتۆمبیل لەم ماوەیەدا منداڵێكی رۆبۆتی بەرهەم هێناوە بۆ شۆفێرەی ئەو ئۆتۆمبیلانەی بەرهەمیان دێنێ، ئەركی رۆبۆتەكە ئەوەیە قسە لەگەڵ شۆفێر دەكات بۆ ئەوەی كە خەونوچكە نەیباتەوە..¬ رۆبۆتەكە قەبارەی بچوكە هەر بەقەد مۆبایلێك دەبێت. رۆبۆتەكەی تویوتا ناوی kirobo-mini یە. هاودەنگێكی باشە بۆ شۆفێرەكە و لە رێگادا لەبارەی گەشتەكەوە قسەی لەگەڵ دەكات.
بێچووە رۆبۆتەكە دەتوانێت ئاماژەی روخسار دەم و چاو بخوێنێتەوە. ئەو رووداوانەی لە گەشتی پێشوودا لەگەڵ شۆفێرەكە هەیان بووە بیری بخاتەوە.. بۆ نموونە پێی دەڵێت: «لەبیرتە لە گەشتی پێشووماندا لێرە تەلەفۆنت دەكرد یان ئاوت دەخواردەوە» هەرچەندە ڤێرژنی پێشووی ئەو رۆبۆتە لە ساڵی 2013 بۆ وێستگەی هەوایی نێردراوە تا لەگەڵ گەردوونگەڕەكان بدوێ.