سامسۆنگ دەستیکردووە بە گۆڕینی گالەکسی نۆوت ٧ بە ستاندەری بەرهەمهێنانی پاترییەوە. بۆ ئەوەی یارمەتی بەکارهێنەران بدات کە ئامێرێکی نوێیان لەبەردەستە و ئامێرەکە بەبێ دوو دڵی بەکاربهێنن، ئەوا سامسۆنگ وێنۆچکە(ئایکۆنێکی) سەوزی پاتری ناساندووە کە لە سێ شوێنی سیستەمەکە گۆڕاوە.

ئەم وێنۆچکە سەوزە لە سێ شوێن دەبینرێت: ١) باڕی باردوۆخ؛ ٢) ڕوونمای هەمیشە کارا؛ ٣) لیستی کوژاندنەوەی ئامێر.

جگە لەوە بەکارهێنەران دەتوانن لەسەر پاکەتی مۆبایلی گالەکسی نۆوت ٧ـە تازەکە بڕوانن و ئەگەر ئەم چوارگۆشە ڕەشەیەی کە لەسەر وێنەکەیە هەبوو، کەواتە تۆ خاوەنی گالەکسی نوۆت ٧ جۆری نوێیت و کێشەی نییە.
پەیامی سامسۆنگ ئەوەیە کە ئەوان هەمیشە سەلامەتی و پارێزراوی بەکارهێنەران بەشێوەیەکی بەرز لەبەرچاودەگرن و ئەوان هانی بەکارهێنەرانی گالەکسی نۆوت ٧ دەدەن کە بەشداری لەبەرنامەی گۆڕینی گالەکسی نۆوت بکەن بەگوێرەی بەردەست بوون لەو ناوچەی لێی دەژیت.
سەرچاوە www.kitn.net