دوای ئەوەی کۆمپانیای ئەپڵ لە کۆنگرەیەکدا هەردوو مۆبایلی ئایفۆن ٧ و ٧ پڵەسی ڕاگەیاند، ئیدی خەڵکیش ڕوویان تێکرد و ڕێژەیەکی بەرچاو لەو دوو مۆبایلە نوێیە فرۆشرا. لە دوایین هەواڵدا بەشێک لە بەکاربەرانی ئەو دوو مۆبایلە نوێیە ناڕەزایی بەرامبەر مۆبایلەکان دەردەبڕن، ئەمەش بەهۆی ئەوەی کە کێشە لە مۆبایلەکەدا هەیە و خۆکارانە دەنگێکی نامۆ لێیەوە دەردەچێت.
https://www.youtube.com/watch?v=ogs_g9BlGQc
بەشێک لە بەکاربەران پەیامێکیان بڵاوکردۆتەوە و تیایدا ئاماژە بەوە دەدەن کە لە کاتی بەجێهێنانی چەند کردارێکی قورسی وەک بەکارهێنانی چەند بەرنامەیەکی قەبارە زۆر لەلایەن پڕۆسێسەری مۆبایلەکەوە کە (A10) ـیە، ئەوا ڕاستەوخۆ دەنگێکی بێزارکەر و نامۆ دەردەچێت، تا ئێستاش هۆی دەرچوونی ئەو دەنگە نازانرێت. دەتوانیت لێرەوە گوێ لە دەنگەکە بگریت (کرتە بکە).

سەرچاوە www.kitn.net