كاتژمێرە سمارتەكان تەواو شوێنی كاتژمێرە كلاسیكییەكان دەگرنەوە، بەڵام بەكارهێنەر بەتایبەتی ئەوانەی تەمەنێكیان هەیە هێشتاش كاتژمێرە كلاسیكیەكان بە گرنگتر سەیر دەكەن، بۆیە كۆمپانیاكانی بەرهەمهێن هەوڵ دەدەن تێكەڵاوێیەك لەنێوان كاتژمێری كلاسیك و سمارت دروست بكەن، كاتژمێری هۆشمەند لەبەرگی كلاسیكدا.. كۆمپانیای garmin بەم دواییە نوێترین كاتژمێری ژیرۆك-كلاسیكی بە ناوی Fenix chronos بەرهەم هێنا.
كاتژمێرەكە لە مادەیەكی زۆر پتەو پێكهاتووە، تواناكانی گەلێكن و كە جیایان دەكاتەوە لە هاوشێوەكانی خۆی. گەرچی لە پۆڵا دروستكراوە بەڵام كێشێكی كەمی هەیە، شاشەكەی لە یاقوتی دژە شوختە و تیرەكەی 1,2 ئینجە، بەكارهێنەر دەتوانێ لەبەر تیشكی خۆریش سوودی لێوەربگرێت و بە ئاو تەڕ نابێت. سیستەمی GPS و Glonass، هەیە.. هەروەها بەرزی پێو، زەخت پێو، ئاراستەنوێن و...تاد هەیە دەتوانێ خێرایی راكردن، پایسكل لێخوڕین و مەلە كردن بزانێ. شەحنەكەی هەتا رۆژێك دانابەزێت.