كاتژمێرە سمارتەكان شوێنێكی گرنگیان گرتووە لە تەكنەلۆژیای دیجیتالی نوێدا، هەر رۆژە كاتژمێرێكی هۆشمەندی نوێ دەكەوێتە بازاڕەوە، سروشتییە كۆمپانیا چیینەكانیش وەك هەمیشە خۆیان تاقی بكەنەوە، كۆمپانیا مێزۆی چینی نوێترین كاتژمێری سمارتی بەناوی خۆی بەرهەم هێناوە، كە كاتژمێرێكی هۆشمەندە بە ستایلی كلاسیك، بەڵام لەگەڵ كاتژمێرە كلاسیكەكان زۆر جیاوازە.
لەو كاتژمێرەدا شاشەیەك یان سیستەمێكی ئەندرۆید و سیستەمی ڤێر نییە، بە جارێك شەحن كردنەوە هەتا ساڵێك كێشەی شەحنی نامێنێ. كاتژمێرەكە لە ستیل دروستكراوە و بە كریستالیش رووپۆش كراوە ئەدی هۆشمەندەكەی لە كوێدایە كە جیاوازی نەبێت لەگەڵ كاتژمێری كلاسیكی دیكە؟ توانا هۆشمەندەكانی ئەوانەن، سیستەمی بلوتوسی چواری لەسەرە، هەستەوەری خێرایی بۆ پێوانی هەنگاوەكان، هەستەوەری موگناتیسی هەیە و لێدانی دڵ دەزانێت مۆبایلە هۆشمەندەكان دەبەسترێت.