پێنووسی سێ رەهەندی واتە 3D زۆر لە مێژ نییە لە بازاڕی ئامێرە دیجیتالییەكاندا بوونیان هەیە، پێنووسێك كە دەتوانرێت لەبری نووسین ئەوەی مەبەستە بەرجەستەی بكات و بكرێت دەستی لێبدرێ.. گرفتی سەرەكی ئەو پێنووسانە گرانی ئەو مادەیەیە كە وەك حیبر لە قەڵەمەكە دەخرێت و ئەوەی بەكارهێنەر مەبەستیەتی پێی دروست دەكرێت، چونكە مادەكە پلاستیكێكی گرانباییە. پێنووسی سێ رەهەندی جۆری Renegade ئەو گرفتەشی لەكۆڵ كردۆتەوە و دەكرێت هەر لەو دەبە ئاو و بیبسیانەی رۆژانە فڕێی دەدەرێن سوود وەربگری. بۆ ئەم مەبەستە دەبێ دەبە پلاستیكیەكە لەسەر پارچەیەكی ئەو پێنووسە كە بۆ ئەم مەبەستە داندراوە دابنێی كە دەكاتە پارچەی تەنك و باریك. پاشان ئەو پارچانە دەخرێنە ناو پێنووسەكە بەم جۆرەی دەكرێت هەرچی مەبەستتە پێی دروست بكەی.