پرۆگرامێك بۆ دانانی ویندوز لەسەر فلاش میمۆری

بۆ فۆرمات كردنی كۆمپیوتەر و دانانی ویندۆزی نوێ دەبێ لە CD یا DVD سوود وەربگری، بەڵام لە ویندۆز 7 بەولاوە كارئاسانییەك كراوە و دەكرێت لە فلاش میمۆرییەوەش ویندۆزەكەت دابنێیەوە سەر كۆمپیوتەر، ئەمەش رەنگە بە مانای نەمانی یەكجارەكەی DVD بێت. پرۆگرام گەلێك هەن كە ئەركیان ئەوەیە ویندۆز بەتەواوی لەسەر فلاش میمۆری دابنێن و هەر لە رێگای فلاش میمۆریشەوە كۆمپیوتەرەكەت فۆرمات بكەیەوە.. یەكێك لەو پرۆگرامە بە سوودانە پرۆگرامی win to flash proressionalە، بەهۆی ئەو پرۆگرامەوە دەكرێت زۆربەی ویندۆزەكان لەسەر فلاش میمۆری دابنێی و لەكاتی پێویستدا بەكاری بێنی، پرۆگرامەكە لەسەرەتادا ویندۆزی سەر كۆمپیوتەرەكەت كۆ دەكاتەوە و دەیخاتە سەر فلاش میمۆری و لەكاتی پێویستیشدا تەنیا بە چەند كلیكێك ویندۆزەكەت دادەنێیەوە..