لاپتۆپ گەیمینگ شوێنی ئامێرەكانی گەمەكردن دەگرێتەوە

گەمە ئەلكترۆنییەكان بۆ ئەوەی كە كوالیتی و هێزی نیشاندانیان زیاتر بێت، پێویستییان بە ئامێری گرنگە، وەك پلەی ستەیشن، پی ئێس پی، لەو دوایانەش لاپتۆپ. دیارە كۆمپیوتەر هەمیشە وەك ئامێری گەیمی ئەلكترۆنی سوودی لێوەرگیراوە، بەڵام تەنیا تایبەت بە گەمەكردن نەبووە، لەو دواییانەدا لاپتۆپی تەنیا تایبەت بە گەمەكردن چێكراوە، یەكێك لە نوێترین لاپتۆپەكان لاپتۆپی جۆری Asus rog G501یە. كە كوالیتی نیشاندانەكەی 4Kیە. شاشەكەی 15 ئینجە، بارستاییەكەی 2 سانتە و كێشەكەشی 2 كیلۆیە، بەمەش یەكێكە لە كەم كێشترین و تەنكترین لاپتۆپی تایبەت بە گەیم.
هاردی جۆری SSDی لەسەرە بە توانای 512 گیگابایت ئەمەش بە مانا خێراییەكی زۆر لە گواستنەوەی زانیارییە.