یوتافۆن
یوتافۆن مۆبایلێكە كە جیاوازییەكی زۆری لەگەڵ مۆبایلەكانی دیكەدا هەیە، چونكە گشت مۆبایلێك شاشەیەكی هەیە و وزەی زۆری باتریی مۆبایلەكە شاشەكە دەیبات، كۆمپانیای رووسی یوتا دوو ساڵ لەمەوبەر بیرۆكەی چێكردنی دوو شاشە لە مۆبایلێكدا هێنایە گۆڕێ، شاشەیەكی ئاسایی و شاشەیەكی رەش و سپی جۆری E-lnk لە پشتەوە. لە ساڵی 2014 دا ڤێرژنی نوێی مۆبایلی یوتا كەوتە بازاڕەوە، كە شاشە رەش و سپیەكە تەواو لەمسییە و دەكرێت، تویت، ئیمێل و پەیامەكان لە شاشەكەدا ببینی، ئەم شاشەیە بۆ كتێب خوێندنەوە زۆر باشە. یوتافۆن رامەكەی 2 گیگابایتە، میمۆرییەكەی 32 گیگابایت، كامێراكەشی 13 میگاپیكسلە.