قایشی پانتۆڵیش مۆبایل شەحن دەكاتەوە
هەتا ئێستاش دابەزینی شەحنی مۆبایل لەكاتە هەستیارەكاندا بۆ بەكارهێنەران وەك كێشەیەك ماوەتەوە. چونكە مۆبایل بۆ شەحنكردنەوە پێویستی بە كارەبا هەیە و كارەباش لە هەموو شوێنێك نییە. هەرچەندە رێگەی دیكەش هەیە بۆ شەحنكردنەوە وەك وزەی خۆر و شەحنی پورتێبڵ..تاد. لەم ماوەیەشدا قایشێكی پانتۆل بەناوی Xoo بەرهەم هاتووە كە باترێكی تایبەتی تێدایە و شوێنی دانانی كێبڵی میكرۆ یوئێس بی هەیە، بەهۆیەوە دەكرێت مۆبایلەكەت شەحن بكەیەوە. هەرچەندە ماوەیەكی زۆری پێدەچێت كە مۆبایلێك شەحن بكرێتەوە واتە 3 كاتژمێر، بەڵام كاتێك بەكارهێنەر لە گەشت و گەڕاندایە ئەو ماوەیە زۆر گرنگ نییە.