باترییەكی پورتێبڵ بۆ سامسۆنگ
پاوەربانك (power bank) بەو باترییە پورتێبڵانە دەگوترێت كە لە كاتی پێویستدا گرنگییەكی زۆری بۆ ئامێرە دیجیتاڵییەكان هەیە، بۆ نموونە بۆ گەشتێك چوویە چیاو كوێستانەكانی كوردستان و هیچ وزەیەكیش نییە مۆبایلەكەت یان كامێرا دیجیتالییەكەت پێ شەحن بكەیەوە، لەو كاتەدا باتری پورتێبڵ یان بە واتایەكی دیكە پاوەر بانك گرنگی خۆی هەیە.
لەم دواییەدا پاوەر بانكێك بەناوی EB-PG900B لە سایزی بەقەد پاكەتە جگەرەیەكدا و بە رەنگی سپی و بە كێشی 173 گرامی كەوتە بازاڕەوە، ئەم پاوەر بانكە شوێنی كێبڵی micro usb هەیە بەهۆی ئەو گلۆپەی لەسەریەتی چۆنییەتی شەحنكردنەوەكە نیشان دەدات و بەهۆیەوە دەكرێت لە یەك كاتدا دوو ئامێری دیجیتاڵیش شەحن بكرێتەوە.
