فڵچەی ددانیش بە مۆبایل پەیوەند دەدرێت!
ئایا مرۆڤ بەرەو رۆبۆت بوون دەڕوات و داهاتوو وای لێدێت كە تەنانەت خۆی فڵچەیەكیش لە ددانی نەدات و گۆرەوی و پێڵاوەكانیشی ببن بە دیجیتالی و خۆیان سایزەكەیان بگۆڕدرێت و خۆشیان پاك بكرێنەوە، بۆ نموونە فڵچە دیجیتالییەكەی كۆمپانیای oral-B كە لەگەڵ مۆبایلە هۆشمەندەكان لە پەیوەندیدا دەبێت و لە رێگای ئەوانەوە پێشنیار بە خاوەنەكەی دەكرێت كە چۆن ددانەكانی فڵچە لێبدات.
ئەم فڵچە نوێیە بلوتوسی هەیە و زانیاری سەبارەت بە شێوازی فڵچەلێدانەكە بۆ مۆبایلە ژیرۆكەكە دەنێرێت، پرۆگرامێكی تایبەتیش لەسەر مۆبایلەكە هەیە كە تایبەت بە شێوازی دروستی فڵچە لە ددان دان.