پرۆگرامێك بۆ هونەری شێوەكاری
جیەانی دیجیتالی ئەمڕۆ لەگەڵ ئەوەیدا سوودێكی زۆری هەیە بەڵام پێدەچێت وردە وردە بەشێك لە هونەرەكان لە چنگ مرۆڤ دەربێنێت و بیانمرێنێت، بۆ نموونە چەند ساڵێكە هونەری خەتخۆشی ئەوەندە گرنگی نەماوە و چونكە بەهۆی كۆمپیوتەرەوە دەكرێت جوانترین تابلۆ بنووسیت، هەربۆیە كەمتر تابلۆیەك هەیە كە بە دەستخەت بنووسرێت، ئەم زیانە هەر بەر هونەری خەتخۆشی نەكەوتووە، بگرە هونەری موزیك و شێوەكاریشی گرتۆتەوە. پرۆگرام گەلێكی زۆر هەن بۆ هونەری وێنەكێشان و شێوەكاری، یەكێك لە پرۆگرامە سەركەوتووەكان دەكرێت بڵێین پرۆگرامی Corel painter-ە، باشترین فڵچەی وێنەكێشانی دیجیتالی، گشت ئامرازەكانی دیكەی تایبەت بە هونەری شێوەكاری تێدایە. ئێفێكتی جۆراوجۆر قەڵەمی جۆراوجۆر، تواناگەلی دیكە لەو پرۆگرامەدا هەن. كە پرۆگرامەكەت دابەزاندە كۆمپیوتەر ئەوكات دەزانیت چ توانا وتایبەتمەندی گەورەی تێدایە.