سایتێك بۆ ناساندنی ئامێرە تەكنەلۆژییەكانی سەردەم
سایتی www.engadget.com سایتێكە وەك كەشكۆڵی دەروێش دەچێت هەرچی دەڵێی تێیدایە، ئەوەی ئەمڕۆ بەرهەم بێت لەئامێرە دیجیتالییەكان لەو سایتەدا دەبیندرێت. نوێترین هەواڵەكانی پەیوەندیدار بە ئامێرە تەكنەلۆژییەكان، ئەو هەواڵانەی تایبەتن بە مۆبایلە هۆشمەند و ناهۆشمەندەكان، تەبلێت و كۆمپیوتەر و كامێرای دیجیتالی لەم سایتەدا بدۆزەوە. هەرچەندە سایتەكە زۆر قەرەباڵغ دیارە، بەڵام كە شارەزای زمانی ئینگلیزی بی و ئۆگری داهێنانی نوێی دیجیتالی بی، هەركە سەیری سایتەكە بكەی دەزانی چ سایتێكی بە سوودە. لە سەرووی لۆگۆی وێبسایتەكە، دەتوانیت شریتی بەدواداگەڕانیش ببینی و ئەوەی مەبەستتە هەڵیبژێری.