موحەممەد ساریم ئەختەر ھاووڵاتیەكی پاكستانی یە وە دەرچووی كۆلێژی ئەندازیاری بەشی تەكنەلۆجیایە، ھاندەرێكی سەرسەختی ھەڵبژاردەی پاكستانە لە یاری (کریکێت) و لەھەموو یاریەكی ھەڵبژاردەی ووڵاتەكەی لەناو یاریگا ئامادە دەبێت.
ئەم وێنەیەی كە توڕە دەردەكەوێت گیراوە لە یاری نێوان ھەردوو ھەڵبژاردەی (پاكستان - ئوسترالیا) لە بەرواری 12-6-2019 بوو، كاتێك یاریزانێكی ھەڵبژاردەی پاكستان بەناوی (ئەسیف علی) ناتوانێ تۆپێك بگرێتەوە.
لەدوای ئەم وێنەیە ناوبانگی بەھەموو سۆشیاڵ میدیادا بڵاو بوەوە و بەو ھۆیەوە ڕیكلامی بۆ چەند كەل و پەل و كۆمپانیەك كردووە و بەناوبانگترینیان (كۆكا كۆلا)، هەروەھا خۆیشی زۆر خۆشحاڵە بەبینینی وێنەكانی لە سۆشیاڵ میدیا كە بەمەبەستی جیاجیا بەكاردەھێنرێت.