ئەو ستایلی قژەی هەڵیدەبژێریت کاریگەری زۆی لەسەر دەرکەوتنت هەیە، ئەگەر ستایلی گونجاو هەڵبژێریت زیاتر جوانیەکەت دەردەخات، باشتر وایە کاتێک قژت دەبڕیت وریابیت لەوەی چی هەڵدەبژێریت، ماڵپەڕی herbeauty باشترین و خراپترین ستایلەکانی قژی بڵاوکردوەتەوە.

باشترینەکان:
یەکەم: قژی درێژی قات قات، بەتایبەتی بۆ قژی لول ستایلێکی جوان و گونجاوە.

دوەم: شەپۆلی نەرم، زیاتر ئەو خانمانەی قژیان خاوە دەتوانن لەرێگەی ئامێری قژ لولکردن بەوشێوەیە بیوەستێنن.

سێیەم: کاری شەپۆلدار، زیاتر بۆ ئەو خانمانە گونجاوە کە روخسارییان خڕە.

چوارەم: کاری سویدی، ستایلێکی شیک و مۆدێرنە، یەکێکە لە جوانترین ستایلەکان.

خراپترینەکان:
یەکەم: شێوە حەوتی، زیاتر لە 90 و سەرەتای 2000 مۆدی ئەو ستایلەبو، بەڵام لە ئێستادا مۆدی نەماوە.

دوەم: پەرچەم بۆ ئەو کەسانەی دەموچاوییان پانە، ستایلێکی نەگونجاوە و باشترە لێی دوربکەونەوە، چونکە دەموچاویان پانتر دەردەخات.

سێیەم: قژی زۆر درێژ، سەرنجراکێشی خانمەکە دەشارێتەوە، ئاساییە قژت درێژ بێت، بەڵام زۆر درێژ گونجاو نییە.



سەرچاوە : خەندان