كاتژمێرەكان، جگە لەوەی بۆ زانینی كات بەكاردێن، هەروەها لەلایەن ئافرەتانەوە وەك كەرەستەیەكی سەرەكیی جوانكاری بەكار دەهێنرێن، چونكە كاتێك كاتژمێر لە دەستی خانمێكدا بێت جوانییەكی زیاتر دەبەخشێت، ئەگەر كاتژمێرەكە جوان و رازاوەش بێت، ئەوا دەست و مەچەك زیاتر رازاوەتر دەكات، بە هۆی بوونی ئەو هەمو رەنگ و خشڵ و وردە ئێكسسوارانەی كە لەسەر كاتژمێرەكان هەیە، وەك مۆدێكی ناسك لە دەست و مەچەكدا بەدی دەكرێت. رەنگی كاتژمێر گرنگە، هەروەها شێواز و نەخشەكەی بە هەمان شێوە، لە بەرهەمە تازەكانی ماركەی گوتچی، كە سەراپای كاتژمێرەكانی لە رەنگی زێڕین (گۆڵد) بەرهەم هێناوە، بەهۆی ئەوەی لە وەرزی پایزدا زیاتر رەنگی زەرد و ئاگرین و گۆڵد بەرچاو دەبن، واجوانە كە كاتژمێرەكانیش لەو رەنگە نزیك بن، بۆیە ماركەی گوتچی رەنگی گۆڵدیان بۆ ئەم وەرزە هەڵبژاردووە، تۆی خانمیش هەوڵبدە كاتژمێرەكەت بچووك و شێوە بازنەیی بێت، دەستبەندەكەشی زنجیر، یان لە رەنگێكی دیكەی جیاواز لە رەنگی سەری كاتژمێرەكە بێت.
